పేద విద్యార్థులకు తోడ్పాటు అభినందనీయం : సిపిఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు
తెలుగు వెలుగు టీవీ - వార్తలు / కొత్తగూడెం : 'దాసరి లక్ష్మి' కుటుంబ సేవా కార్యక్రమాలు సమాజానికి ఆదర్శం విద్యార్థులు అవకాశాలను సద్వినియోగం చేసుకోవాలి వసతి గృహాల్లో మెరుగైన సౌకర్యాలు కల్పించాలి విద్యార్థినుల ఉన్నత ఎదుగుదలకు తోడ్పడే సేవా కార్యక్రమాలు సమాజానికి ఎంతో ఆదర్శనీయమని, విద్యార్థులు తమకు లభించే ప్రతి అవకాశాన్ని సద్వినియోగం చేసుకుని జీవితంలో ఉన్నత శిఖరాలను అధిరోహించాలని సిపిఐ రాష్ట్ర కార్యదర్శి, కొత్తగూడెం ఎమ్మెల్యే కూనంనేని సాంబశివరావు అన్నారు. చుంచుపల్లి మండల పరిధిలోని ఎస్ ఆర్ డి జి పాఠశాలలో స్వర్గీయ దాసరి లక్ష్మి జ్ఞాపకార్థం సంక్షేమ వసతి గృహ విద్యార్థినులకు వస్త్రాల పంపిణీ కార్యక్రమం శుక్రవారం నిర్వహించారు. ఈ సందర్భంగా దాసరి లక్ష్మి కుమారుడు దాసరి వెంకటేశ్వర్లు, కోడలు దాసరి కృష్ణవేణి సమకూర్చిన వస్త్రాలను విద్యార్థినులకు ఆయన అందజేశారు. అనంతరం ముఖ్య అతిథిగా హాజరైన కూనంనేని మాట్లాడుతూ.. పేద విద్యార్థులు కష్టపడి చదువుకుని సమాజంలో ఉన్నత స్థాయికి ఎదగడమే నిజమైన విజయమన్నారు. సంక్షేమ వసతి గృహాల్లో చదివే విద్యార్థినులకు ఎలాంటి అసౌకర్యాలు కలగకుండా అధికారులు అన్ని వేళలా నాణ్యమైన సౌకర్యాలు కల్పించాల్సిన బాధ్యత ఉందని గుర్తుచేశారు. ఆయా హాస్టళ్లలో మెరుగైన వసతులు, నాణ్యమైన భోజనం, పౌష్టికాహారంతో పాటు ఉత్తమ విద్యా సౌకర్యాలు నిరంతరం అందేలా నిరంతర పర్యవేక్షణ ఉండాలని ఆయన స్పష్టం చేశారు. సమాజంలో వెనుకబడిన వర్గాల పిల్లలకు ఇలాంటి స్వచ్ఛంద సేవా కార్యక్రమాలు ఎంతో ఉపశమనాన్ని ఇస్తాయని, సమాజ శ్రేయస్సు కోరే ప్రతి ఒక్కరూ ఇటువంటి పనులకు సహకరించాలని ఆయన పిలుపునిచ్చారు. ఈ కార్యక్రమంలో సిపిఐ జిల్లా కార్యదర్శి ఎస్.కె. సాబీర్ పాషా, కొత్తగూడెం మున్సిపల్ కార్పొరేషన్ మేయర్ మూడ్ గణేష్, సిపిఐ మండల కార్యదర్శి వాసిరెడ్డి మురళి, ఏఐఎస్ఎఫ్ జిల్లా అధ్యక్ష, కార్యదర్శులు వర్క అజిత్, ఎస్ కే షాహేద్, జిల్లా నాయకులు ఎం వినయ్, సంజయ్, దినేష్ తదితరులు పాల్గొన్నారు
Admin
తెలుగు వెలుగు టీవీ
మరిన్ని వార్తలు
Developed By :
