ఏజన్సీ ప్రాంతంలోవెనుకబడిన వర్గాలకు రాజకీయ రిజర్వేషన్ కల్పించాలి
తెలుగు వెలుగు టీవీ - వార్తలు / జూలూరుపాడు : భద్రాద్రి కొత్తగూడెం జనవరి 7 తెలుగు వెలుగు) : ఏజన్సీ ప్రాంతంలో నివసిస్తున్న దళితులు ఇతర వెనుక బడిన వర్గాలకు త్వరలో జరగబోయే ఎంపిటిసి, జెడ్పిటిసి ఎన్నికల్లో రాజ్యాంగం కల్పించిన రిజర్వేషన్లు అమలు చేయాలని మోదుగు జోగారావు ప్రభుత్వాన్ని డిమాండ్ చేసారు. జులూరుపాడు మండల కేంద్రంలోని,ఏ.వి.ఆర్. ఫంక్షన్ హాల్ లో ఏజన్సీ దళితుల ఐక్యవేదిక హక్కుల సమితి రాష్ట్ర నాయకులు,రాష్ట్రాన్ని సాధించిన ఉద్యమ నాయకులు వేల్పుల నరసింహరావు అధ్యక్షతన జరిగిన విలేకర్ల సమావేశంలో ఏజన్సీ దళితుల రిజర్వేషన్ పెంపు పోరాట సమితి రాష్ట్ర వర్కింగ్ ప్రెసిడెంట్ మోదుగు.జోగారావు మాట్లాడుతూ ఏజన్సీ ప్రాంతంలో 1937 లోనే బ్రిటిష్ ప్రభుత్వం దళితులను కొండ గిరిజనులుగా గుర్తించి 5% రిజర్వేషన్ అమలు చేసిందని గుర్తు చేసినారు. భారత దేశానికి స్వాతంత్ర్యం అనంతరం, డా.బి.ఆర్.అంబేద్కర్ రచించిన భారత రాజ్యాంగం ద్వారా కల్పించిన 15% రిజర్వేషన్ ఏజన్సీ ప్రాంతంలో అమలు జరగపోవడం ఈ ప్రాంతంలోని దళితులకు విద్య,ఉద్యోగ,రాజకీయ రంగాలలో తీవ్ర అన్యాయం జరిగిందని తెలిపినారు.కన్యాకుమారి నుంచి కాశ్మిర్ వరకు భారత రాజ్యాంగ రిజర్వేషన్ అమలు జరుగుతుందని తెలిపినారు. కానీ ఏజన్సీ ప్రాంతంలో 15% రిజర్వేషన్ అమలు చేయాలని మంత్రులకు,అధికారులకు ఎన్ని సార్లు వినతి పత్రాలు ఇచ్చిన అమలుకు నోచుకోలేదని అసహనం వ్యక్తం చేసినారు. ధర్నాలు, రాస్తారోకులు, ఎం.ఆర్.ఓ.,ఆర్.డి.ఓ. కలెక్టరేట్ కార్యాలయాలలో ధర్నాలు, వినతి పత్రాలు ఇచ్చి వేడుకున్న,ప్రభుత్వాలు 15% రిజర్వేషన్ అమలు చేయలేదని, అసలు చలించలేదని తెలిపినారు.ఈ తీవ్రమైన అన్యాయం పై గడ్డం.శ్రీరామ్,వేల్పుల. నరసింహారావు సహకారంతో హై కోర్టును ఆశ్రహించగా ఈ నెల 27 లోపు ఏజన్సీ ప్రాంతంలో 15% రిజర్వేషన్ అమలుకై, వివరణ ఇవ్వాలని ప్రభుత్వానికి నోటీసులు జారిచేసిందని తెలిపినారు. ప్రభుత్వం వెంటనే స్పందించి హై కోర్టు కు వివరణ ఇచ్చి ,ఏజన్సీ ప్రాంతంలో దళితులకు 15% రిజర్వేషన్ అమలుకు ప్రభుత్వం కృషి చేయాలని ప్రభుత్వాన్ని కోరుతూ, వచ్చే లోకల్ ఎం.పి.టి., జడ్.పి.టి.సి.ఎన్నికలో 15% రిజర్వేషన్ అమలు చేయాలని ప్రభుత్వాన్ని డిమాండ్ చేసినారు. ఈ విలేకర్ల సమావేశంలో దళిత సంఘాల నాయకులు ఇళంగి. సుందర్ రావు,నాయి భ్రహ్మణ నాయకులు వళ్ళోజీ. రమేష్,బి.సి.సంఘం నాయకులు ముదిగొండ. వెంటప్పయ్య,దళిత సంఘాల నాయకులు ఉబ్బపల్లి. సంజీవరావు, పూర్ణకంటి. కృష్ణయ్య, కారుమంచి.సాయిబ్ తదితరులు పాలుగోన్నారు.
Admin
తెలుగు వెలుగు టీవీ
మరిన్ని వార్తలు
Developed By :
