వీరనారి సాకలి ఐలమ్మ 40వ వర్ధంతిని ఘనంగా నిర్వహించిన వినోబా నగర్ రజక సంఘం.
తెలుగు వెలుగు టీవీ - వార్తలు / కొత్తగూడెం : జూలూరుపాడు మండలంలోని వినోబా నగర్ గ్రామంలో తెలంగాణ సాయుధ పోరాట యోధురాలు వీరనారి చిట్యాల ఐలమ్మ వర్ధంతి సందర్భంగా వారి పోరాట స్ఫూర్తిని వినోబా నగర్ గ్రామ రజక సోదరి, సోదరులు స్మరించుకున్నారు. తెలంగాణ మహిళాశక్తికి, బహుజన ధీరత్వానికి ఐలమ్మ ప్రతీకగా నిలిచారని అన్నారు. తెలంగాణ రాష్ట్ర సాధనకోసం సాగిన ఉద్యమంలో వారి పోరాట స్ఫూర్తి ఇమిడివున్నదని తెలిపారు.ప్రజావ్యతిరేక పాలనపై ధిక్కారాన్ని ప్రకటించిన చాకలి ఐలమ్మ ప్రతిఘటనా తత్వం ఎల్లవేళలా ఆదర్శమని వారు అన్నారు. ఐలమ్మ స్ఫూర్తిని కొనసాగించేదిశగా వారి వర్ధంతిని ఘనంగా నిర్వహించుకుంటున్నామని వెల్లడించారు. ఈ కార్యక్రమంలో తంబారపు శ్రీను సిరికొండ పెద్ద నరసింహారావు ముదిగొండ రమేష్, తంబారపు వేణు మరియు వినోబా నగర్ రజక సోదర సోదరీమణలు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
