భద్రాద్రి కొత్తగూడెం జిల్లా భారత రెడ్‌క్రాస్ సొసైటీ ఎన్నికలకు 31 మంది నామినేషన్లు
తెలుగు వెలుగు టీవీ - వార్తలు / కొత్తగూడెం : భద్రాద్రి కొత్తగూడెం జిల్లా భారత రెడ్‌క్రాస్ సొసైటీ ఎన్నికలకు 31 మంది నామినేషన్లు.భద్రాద్రి కొత్తగూడెం జిల్లా భారత రెడ్‌క్రాస్ సొసైటీ జిల్లా శాఖకు సంబంధించి ఎన్నికల ప్రక్రియ కొనసాగుతోంది. ఎన్నికలను నిర్వహించేందుకు జె. సునిత,చీఫ్ ప్లానింగ్ ఆఫీసర్‌ను ఎన్నికల అధికారిగా (Election Officer) నియమించడం జరిగింది.ఎన్నికల ప్రక్రియలో భాగంగా 24.09.2026 వరకు మొత్తం 35 మంది అభ్యర్థులకు నామినేషన్ ఫారాలు అందజేయడం జరిగింది. అందులో 31 మంది అభ్యర్థులు తమ నామినేషన్ పత్రాలను సమర్పించారు.నిర్దేశించిన ఎన్నికల విధి విధానాల ప్రకారం ప్రతి అభ్యర్థి రూ.10,000/- (రూపాయలు పది వేల) నాన్-రిఫండబుల్ డిపాజిట్ చెల్లించి నామినేషన్ దాఖలు చేశారు. ప్రతి నామినేషన్‌కు భారత రెడ్‌క్రాస్ సొసైటీకి చెందిన ఇద్దరు సభ్యులు మద్దతుదారులుగా సంతకాలు చేశారు.నామినేషన్ల స్వీకరణ ప్రక్రియను ఎన్నికల అధికారి పర్యవేక్షణలో పారదర్శకంగా, ప్రశాంతంగా నిర్వహించడం జరిగింది. తదుపరి నామినేషన్ల పరిశీలన (Scrutiny), చెల్లుబాటు అయ్యే నామినేషన్ల జాబితా ప్రచురణ తదితర ఎన్నికల ప్రక్రియలు నిర్దేశించిన షెడ్యూల్ మరియు నియమావళి ప్రకారం నిర్వహించబడతాయి.
Admin
తెలుగు వెలుగు టీవీ
మరిన్ని వార్తలు
Developed By :
