లోతట్టు ప్రాంతాల్లో ముంపు సమస్యను నివారిస్తాం: మేయర్ మూడ్ గణేష్.
తెలుగు వెలుగు టీవీ - వార్తలు / కొత్తగూడెం : తుఫాన్ ప్రభావంతో కురుస్తున్న భారీ వర్షాల నేపథ్యంలో లోతట్టు ప్రాంతాల్లో ముంపు సమస్య తలెత్తకుండా అధికార యంత్రాంగం నిరంతరం అప్రమత్తంగా ఉండాలని కొత్తగూడెం నగర మేయర్ మూడ్ గణేష్ ఆదేశించారు. బుధవారం పాల్వంచ పరిధిలోని 8, 42 డివిజన్లలోని ముంపు ప్రాంతాల్లో అధికారులతో కలిసి ఆయన పర్యటించారు. రోడ్లపై నిలిచిన వరద నీటిని డ్రైన్ల వైపు మళ్లించే పనులను స్వయంగా పర్యవేక్షించారు.ఈ సందర్భంగా మేయర్ మాట్లాడుతూ.. డ్రైన్లలో పేరుకుపోయిన వ్యర్థాలను జేసీబీలతో తక్షణమే తొలగించి, పూడికతీత పనులు వేగవంతం చేయాలన్నారు. వాతావరణం సాధారణ స్థితికి వచ్చే వరకు అధికారులు క్షేత్రస్థాయిలోనే ఉంటూ ప్రజలకు అందుబాటులో ఉండాలని స్పష్టం చేశారు. వర్షాల వల్ల అంటువ్యాధులు ప్రబలకుండా బ్లీచింగ్, దోమల మందు పిచికారీ పనులు చేపట్టాలని, తాగునీరు కలుషితం కాకుండా ముందస్తు చర్యలు తీసుకోవాలని అధికారులను ఆదేశించారు. ఈ పర్యటనలో అసిస్టెంట్ కమిషనర్ విజయానంద్, డిప్యూటీ మేయర్ లలిత, కార్పొరేటర్ జీవీఆర్, శానిటరీ ఇన్స్పెక్టర్ అశోక్ చౌహాన్ తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
