మిస్సింగ్ బాలిక ఆచూకీ లభ్యం.
తెలుగు వెలుగు టీవీ - వార్తలు / కొత్తగూడెం : మిస్సింగ్ బాలిక ఆచూకీ లభ్యం. లక్ష్మిదేవి మండలం జయశంకర్ కాలనీ వాసి మైనర్ బాలిక (7) కొత్తగూడెం ప్రభుత్వ ఆసుపత్రి నుండి 8/10/2026 ఉదయం 11 గంటలకు తప్పిపోయింది. బాలిక తండ్రి కొత్తగూడెం మూడవ పట్టణ పోలీస్ స్టేషన్ లో ఫిర్యాదు చేయగా, మూడవ పట్టణ పోలీస్ అధికారులు వెంటనే రంగంలో దిగి సిసి కెమెరాలు ఆధారంగా ఆచూకీ కోసం రెస్క్యు ప్రారంభించారు. ఛైల్డ్ వెల్ఫేర్ కమిటీ ఆదేశాలతో ఛైల్డ్ హెల్ప్ లైన్ 1098 జిల్లా కో ఆర్డినేటర్ బానోత్ సందీప్, టీం సభ్యులు గాడిద భవానీ, ఆవునూరి భావన, దేవరకొండ రంజీత్ గాలింపు చర్యలు చేపట్టారు. కొత్తగూడెం మూడవ పట్టణ పోలీస్ స్టేషన్ ఇన్స్పెక్టర్ ఇంద్రసేనారెడ్డి ఆదేశాలతో , పోలీస్ సిబ్బంది మరియు ఛైల్డ్ హెల్ప్ లైన్ 1098 జిల్లా టీం చేసిన ప్రయత్నాలు ఫలించి మైనర్ బాలిక ఆచూకీ ఈ రోజు మధ్యాహ్నం రెండు గంటలకు రామవరం లో గుర్తించారు. బాలికను ఛైల్డ్ వెల్ఫేర్ కమిటీ ముందుకు హజరు పరుచగా ఛైల్డ్ వెల్ఫేర్ కమిటీ సభ్యులు సబ్బాతి సుమిత్రా దేవి మహమ్మద్ సాదిక్ పాషా బాలికను తండ్రి కి అప్పగించారు. ఇరవై నాలుగు గంటల్లోనే బాలిక ను తల్లిదండ్రుల వద్దకు చేర్చిన కొత్తగూడెం మూడవ పట్టణ పోలీస్ సిబ్బందికి, ఛైల్డ్ హెల్ప్ లైన్ 1098 జిల్లా టీం కు ఛైల్డ్ వెల్ఫేర్ కమిటీ సభ్యులు సబ్బాతి సుమిత్రా దేవి, మహమ్మద్ సాదిక్ పాషా లు అభినందించారు. పద్దెనిమిది సంవత్సరాల లోపు బాల బాలికలు ఒంటరిగా ఎక్కడ అయిన కనబడితే వారి సమాచారం వెంటనే ఛైల్డ్ హెల్ప్ లైన్ 1098 టోల్ ఫ్రీ నెంబర్ కు ఫోన్ చేసి తెలియ చేయలని ఛైల్డ్ వెల్ఫేర్ కమిటీ సభ్యులు తెలియ చేశారు.
Admin
తెలుగు వెలుగు టీవీ
మరిన్ని వార్తలు
Developed By :
