కాయకల్ప్‌ అవార్డుల్లో జిల్లాకు వంద శాతం విజయం: జిల్లా కలెక్టర్ అంకిత్.
తెలుగు వెలుగు టీవీ - వార్తలు / కొత్తగూడెం : కాయకల్ప్‌ అవార్డుల్లో జిల్లాకు వంద శాతం విజయం: జిల్లా కలెక్టర్ అంకిత్. ఐదు టీవీవీపీ ఆసుపత్రులకు అవార్డులు.. వైద్య సిబ్బందిని అభినందించిన కలెక్టర్.మారుమూల ప్రాంతాల్లోనూ నాణ్యమైన వైద్య సేవలకు గుర్తింపు.భద్రాద్రి కొత్తగూడెం జిల్లాలో కాయకల్ప్‌ కార్యక్రమంలో పాల్గొన్న ఐదు తెలంగాణ వైద్య విధాన పరిషత్ (టీవీవీపీ) ఆసుపత్రులూ అవార్డులు సాధించి వంద శాతం విజయాన్ని నమోదు చేయడం గర్వకారణమని జిల్లా కలెక్టర్ అంకిత్ అన్నారు . శనివారం ఐ డి ఓ సి కార్యాలయం కలెక్టర్ ఛాంబర్ నందు కాయకల్ప్‌ అవార్డులు సాధించిన ఆసుపత్రుల బృందాలను కలెక్టర్ అభినందించారు.ఈ సందర్భంగా జిల్లా కలెక్టర్ అంకిత్ మాట్లాడుతూ , పాత భవనాలు, మారుమూల గిరిజన ప్రాంతాల్లో ఎదురయ్యే అనేక సవాళ్లను అధిగమిస్తూ,అందుబాటులో ఉన్న వనరులను సమర్థవంతంగా వినియోగించుకుంటూ, ఆసుపత్రుల్లో పరిశుభ్రత, పారిశుద్ధ్యం, నాణ్యతా ప్రమాణాలను పాటిస్తూ పేద, గిరిజన ప్రజలకు మెరుగైన వైద్య సేవలు అందించడం అభినందనీయమన్నారు. వైద్యులు, నర్సింగ్, పారామెడికల్, పారిశుద్ధ్య సిబ్బంది సమష్టి కృషి, అంకితభావం ఈ విజయానికి కారణమని తెలిపారు .జిల్లాలోని భద్రాచలం, మణుగూరు, అశ్వారావుపేట, ఇల్లందు, పాల్వంచ ఆసుపత్రులు కాయకల్ప్‌ అవార్డులు, ప్రశంసా పురస్కారాలు సాధించడం వైద్య సేవల నాణ్యతను పెంపొందించడంలో సిబ్బంది చేస్తున్న కృషికి నిదర్శనమని కలెక్టర్ తెలిపారు. ముఖ్యంగా పాల్వంచ కమ్యూనిటీ హెల్త్ సెంటర్కు రాష్ట్రస్థాయి పర్యావరణహిత అవార్డు లభించడం జిల్లాకు గర్వకారణమన్నారు.మణుగూరు, అశ్వారావుపేట వంటి మారుమూల ప్రాంతాల్లోని ఆసుపత్రులు తొలి ప్రయత్నంలోనే అవార్డులు సాధించడం అభినందనీయమని కలెక్టర్ అన్నారు . అందుబాటులో ఉన్న పరిమిత వనరులను సమర్థవంతంగా వినియోగించుకుంటూ, నిబద్ధతతో పనిచేస్తే నాణ్యమైన వైద్య సేవలు అందించడంతో పాటు మరిన్ని గుర్తింపులు సాధించవచ్చని ఈ విజయం నిరూపిస్తోందన్నారు.ఆసుపత్రుల్లో పరిశుభ్రత, పారిశుద్ధ్యం, వైద్య వ్యర్థాల నిర్వహణ, ఇన్‌ఫెక్షన్ల నియంత్రణ, పర్యావరణ పరిరక్షణ వంటి అంశాల్లో నిర్దేశిత ప్రమాణాలను నిరంతరం పాటించాలని కలెక్టర్ సూచించారు. కాయకల్ప్‌ అవార్డుల ద్వారా లభించిన గుర్తింపును స్ఫూర్తిగా తీసుకొని భవిష్యత్తులోనూ సేవల నాణ్యతను మరింత మెరుగుపరచాలని, పేద, గిరిజన ప్రజలకు మెరుగైన వైద్య సేవలు అందిస్తూ మరిన్ని అవార్డులు సాధించాలని ఆసుపత్రుల బృందాలకు సూచించారు.ఈ కార్యక్రమంలో డీసీహెచ్ఎస్ డాక్టర్ జి. రవిబాబు, సంబంధిత ఆసుపత్రుల సూపరింటెండెంట్లు డాక్టర్ రామకృష్ణ, డాక్టర్ ముక్కంటేశ్వరరావు, డాక్టర్ హర్షవర్ధన్, డాక్టర్ రాధారుక్మిణి, డాక్టర్ గౌరీ ప్రసాద్, డాక్టర్ రామ్‌ప్రసాద్, డాక్టర్ సోమరాజ్ దారా, డాక్టర్ మౌనిక తదితరులతో పాటు నర్సింగ్, పారామెడికల్, పారిశుద్ధ్య సిబ్బంది పాల్గొన్నారు. అవార్డుల సాధనకు కృషి చేసిన ప్రతి ఒక్కరినీ జిల్లా కలెక్టర్ అభినందించారు.
Admin
తెలుగు వెలుగు టీవీ
మరిన్ని వార్తలు
Developed By :
